ادھ کھلے آنکھوں کے کواڑ تجھے بلاتے ہیں

ادھ کھلے رکھے ہیں آنکھوں کے کواڑ

اس گلی کی جانب

جہاں سے بیغیر الوداع کئیے

اک غضبناک انداز میں تم مجھ سے پیٹھ کئے

تیز تیز قدموں کے ساتھ زور سے ڈھویڑی کا دروازہ کھولے

تم باہر نکل گئے تھے

اتنے زور سے درواز تم نے مارا تھا کہ

اور وہ دروازہ دوسرے دروازے سے دیر تک ٹکراتا رہا

اور اتنا ٹکرایا کہ آدھ کھلا رہ گیا

اور دروازے کی کنڈی مسلسل ہلتی رہی

تمہارے قدموں کی چاپ دروازوں کے ٹکرانے اور کنڈی ہلنے کے ساتھ ساتھ میرے کانوں میں ایک دردناک فلم کے بیک گراونڈ میوزک کی طرح گونجنے لگی

کواڑوں کے ٹکرانے کے درمیان مجھے تم تیز تیز چلتے

دیکھائی دیتے تھے

کواڑ کنڈی قدموں کی چاپ اور جاتے ہوئے تم

میرے دماغ کے خلیوں میں نقش ہوگئے ہو

اور پھر قدموں کی آوازیں کواڑوں کے ٹکرانے اور کنڈی کے لہرانے کے ساتھ تم بھی نظر سے اوجھل ہوگئے

ان ادھ کھلے کواڑوں کی طرح آج بھی میری آنکھیں

تیرے انتظار میں ادھ کھلی یادوں کی کنڈی کے ساتھ تیرا رستہ دیکھتی ہیں