சிற்பமோ சித்தன்னவாசல் சித்திரமோ - 5

சிற்பமோ சித்தன்னவாசல் சித்திரமோ

சித்திரை மல்லையின் அவள் விக்ரகமோ

சிற்பமோ சித்தன்னவாசல் சித்திரமோ

பல்லவன் குழைந்ததின் பொற்பதமோ

சித்திரை மல்லையின் விக்ரகமோ

கடற்கரை ரதத்தில் அவள் உற்சவமோ

சிற்பமோ சித்தன்னவாசல் சித்திரமோ

சித்திரை மல்லையின் அவள் விக்ரகமோ

பாண்டியன் மதுரையின் அற்புதமோ

மலரது அழகினில் தவறிடுமோ

அவளது தமிழினில் தப்பிதமோ

சங்கத்தின் பிறப்பினில் கற்பிதமோ

சிற்பமோ சித்தன்னவாசல் சித்திரமோ

சித்திரை மல்லையின் அவள் விக்ரகமோ

சோழனின் தில்லையின் அம்பலமோ

நித்திரையில் காஞ்சியின் சொற்பதமோ

அந்திரையில் குடந்தையின் நிகற்பதமோ

முத்திரையில் தஞ்சையின் அவள் கோபுரமோ

சிற்பமோ சித்தன்னவாசல் சித்திரமோ

சித்திரை மல்லையின் அவள் விக்ரகமோ

சிலைபோல் செய்யும் கலையாவுமோ

அலைபோல் உய்யும் கவியாகுமோ

அலங்காரமாய் நின்ற சிருங்காரமோ

அகங்காரமே தோற்கும் அவள் முகபாவமோ

சிற்பமோ சித்தன்னவாசல் சித்திரமோ

சித்திரை மல்லையின் அவள் விக்ரகமோ

வளைந்தாடும் அவள் நதியாவுமோ

களைந்தாடும் இவள் ஜதியாவுமோ

குதித்தாடும் இவள் பதியாவுமோ

மிதித்தாடும் அவள் சதியாவுமோ

சிற்பமோ சித்தன்னவாசல் சித்திரமோ

சித்திரை மல்லையின் அவள் விக்ரகமோ

உருகிய கலை கனிரசமோ

பழகிய மொழி பழரசமோ

இளகிய வழி பரவசமோ

முனகிய செவ்வாய் அவசரமோ

சிற்பமோ சித்தன்னவாசல் சித்திரமோ

சித்திரை மல்லையின் அவள் விக்ரகமோ

யாழிசையோ குரல் தேனிசையோ

ஏழிசையோ விரல் மெல்லிசையோ

கருவிழியோ ரா மின்மினியோ

வெண் மதியோ அவள் கண்மணியோ

சிற்பமோ சித்தன்னவாசல் சித்திரமோ

சித்திரை மல்லையின் அவள் விக்ரகமோ

தவழ்வதில் அவள் பைகிளியோ

பரவசத்தில் நாணல் மரக்கிளையோ

கவிழ்ந்ததில் ஊடல் பனித்துளியோ

அவள் கலைந்ததில் கூடல் மழைத்துளியோ

சிற்பமோ சித்தன்னவாசல் சித்திரமோ

சித்திரை மல்லையின் அவள் விக்ரகமோ

அசைவதில் ஐப்புலன் நாணங்களோ

இசைவதில் செம்புலன் நளினங்களோ

மறந்ததில் நானிலன் புள்ளினங்களோ

துறந்ததில் வானிலன் அவள் எண்ணங்களோ

சிற்பமோ சித்தன்னவாசல் சித்திரமோ

சித்திரை மல்லையின் அவள் விக்ரகமோ