سسکتے راز سے پردہ ہٹا دوں تو قیامت ہو

نومبرکس طرح بیتا بتا دوں تو قیامت ہو

سسکتے راز سے پردہ ہٹا دوں تو قیامت ہو

نومبرکس طرح بیتا بتا دوں تو قیامت ہو

ابھی تم جن کو پڑھ پڑھ کر الجھتی ہو مقدر سے

وہ تارے تیری پلکوں پر سجا دوں تو قیامت ہو

کئ صدیوں سے پھرتی ہے جو ان آنکھوں میں ویرانی

اسے چبھتے حقائق سے ملا دوں تو قیامت ہو

سسکتے راز سے پردہ ہٹا دوں تو قیامت ہو

نومبرکس طرح بیتا بتا دوں تو قیامت ہو

کسی کی آرزو کیا کی زمانہ زہر لے آیا

اسے گر آرزو کے گر بتا دوں تو قیامت ہو

مجھے یہ پوچھتے ہو روز جو۔ اس بات کی بابت

میں اب اثبات میں سر کو ہلا دوں تو قیامت ہو

سسکتے راز سے پردہ ہٹا دوں تو قیامت ہو

نومبرکس طرح بیتا بتا دوں تو قیامت ہو

اسی تحفے سے قائم ہے جہاں کا کار خانہ بھی

تمہاری آس کو دل سے مٹا دوں تو قیامت ہو

جو میں نے وقت کے ہاتھوں سے پی ہے تیری فرقت میں

تجھے اک گھونٹ ہی گر میں پلا دوں تو قیامت ہو

سسکتے راز سے پردہ ہٹا دوں تو قیامت ہو

نومبرکس طرح بیتا بتا دوں تو قیامت ہو

تمہاری نرم بانہوں میں اساس زندگی رکھ کر

وہ ساری تلخیاں اک دم بھلا دوں تو قیامت ہو

جنہیں جذبات کے گھیرے میں کب سے روک رکھا ہے

وہ آنسو آج آنکھوں سے گرا دوں تو قیامت ہو

سسکتے راز سے پردہ ہٹا دوں تو قیامت ہو

نومبرکس طرح بیتا بتا دوں تو قیامت ہو

دل بیتاب میں گردش لہو کی اسکے ہونے سے

محبت کو اگر کچھ دن سلا دوں تو قیامت ہو

ابھی الفاظ کی ہیئت سے وحشت ہونے لگتی ہے

اگر ان کے مطالب بھی بتا دوں تو قیامت ہو

سسکتے راز سے پردہ ہٹا دوں تو قیامت ہو

نومبرکس طرح بیتا بتا دوں تو قیامت ہو

غنیمت جان کہ مجھ سے ہے قائم خواب سا عالم

اگر منظر سے میں خود کو ہٹا دوں تو قیامت ہو

جہاں واعظ جبین فخر کو ہر دم پٹختا ہے

وہاں میں دو گھڑی ماتھا لگا دوں تو قیامت ہو

سسکتے راز سے پردہ ہٹا دوں تو قیامت ہو

نومبرکس طرح بیتا بتا دوں تو قیامت ہو