પગલે પગલે શોધું હું તને,
પણ રસ્તો અધૂરો આ લાગે…
​તું નથી તો શ્વાસ પણ જાણે,
કાળજે ભાર લાગે.
યાદ તારી ઓશીકું બને,
ને રાતભર સપનાં જાગે...
આંખ ખોલું તો ખાલીપો,
મને જોઈને હસતો લાગે...

ભીડમાં તને.. શોધે.. નજર,
અને ભીડ પણ સુની લાગે...
લખવા બેસું તારા વિશે,
ને કલમ રડવા લાગે...
કોને કહું આ દર્દ મારું?
શબ્દોને પણ ભાર લાગે...


માયા તારી વળગી એવી,
કે પડછાયો પણ તું જ લાગે...
હર ધબકારે નામ છે તારું,
હવે મારો શ્વાસ પણ પારકો લાગે...
પગલે પગલે શોધું હું તને,
પણ રસ્તો અધૂરો આ લાગે…
​તું નથી તો શ્વાસ પણ જાણે,
કાળજે ભાર લાગે.