הַלְלוּ אֶת אֲדֹנָי, מִן-הַשָּׁמַיִם;. Slichot version psalms148

הַלְלוּ-יָהּ

הַלְלוּ אֶת אֲדֹנָי, מִן-הַשָּׁמַיִם;

הַלְלוּהוּ, בַּמְּרוֹמִים.

(break – strings shimmer, darbuka rolls)

הַלְלוּהוּ כָל-מַלְאָכָיו;

הַלְלוּהוּ, כָּל-צְבָאָו.

הַלְלוּהוּ, שֶׁמֶשׁ וְיָרֵחַ;

הַלְלוּהוּ, כָּל-כּוֹכְבֵי אוֹר.

(instrumental sitar flourish)

הַלְלוּהוּ, שְׁמֵי הַשָּׁמָיִם;

וְהַמַּיִם, אֲשֶׁר מֵעַל הַשָּׁמָיִם.

יְהַלְלוּ, אֶת-שֵׁם אֲדֹנָי:

כִּי הוּא צִוָּה וְנִבְרָאוּ.

וַיַּעֲמִידֵם לָעַד לְעוֹלָם;

חָק-נָתַן, וְלֹא יַעֲבוֹר.

הַלְלוּ אֶת- אֲדֹנָי, מִן-הָאָרֶץ—

תַּנִּינִים, וְכָל-תְּהֹמוֹת.

אֵשׁ וּבָרָד, שֶׁלֶג וְקִיטוֹר;

רוּחַ סְעָרָה, עֹשָׂה דְבָרוֹ.

הֶהָרִים וְכָל-גְּבָעוֹת;

עֵץ פְּרִי, וְכָל-אֲרָזִים.

הַחַיָּה וְכָל-בְּהֵמָה;

רֶמֶשׂ, וְצִפּוֹר כָּנָף.

מַלְכֵי-אֶרֶץ, וְכָל-לְאֻמִּים;

שָׂרִים, וְכָל-שֹׁפְטֵי אָרֶץ.

בַּחוּרִים וְגַם-בְּתוּלוֹת;

זְקֵנִים, עִם-נְעָרִים.

יְהַלְלוּ, אֶת-שֵׁם אֲדֹנָי—

כִּי-נִשְׂגָּב שְׁמוֹ לְבַדּוֹ:

(chorus crescendo)

הוֹדוֹ, עַל-אֶרֶץ וְשָׁמָיִם.

וַיָּרֶם קֶרֶן לְעַמּוֹ,

תְּהִלָּה לְכָל-חֲסִידָיו—

לִבְנֵי יִשְׂרָאֵל, עַם קְרֹבוֹ:

הַלְלוּ-יָהּ.