Marie, weeßt du noch wie nett

datt bie‘n hau rinnhahlen rocken hätt?

Wie twei baaben upp dann Wagen

und de Knecht de hätt uppladen.

Ballen föhr Ballen häbbt wie wechstaut

und een hooges Foder baut.

Baaben in de Mitt lotten wie een Lock.

Marie, Marie – weißt du datt noch?

Uns Leef de hohlt und gläut, nich nur in’n Mai wenn de Fleeder bläuht.

Und watt gehört föhr uns dohrtau? De Duft funn frisch gemocktet Hau.

Treckt de Pähr datt Hau tau‘n Hoff denn hin,

leigen wie twei baaben in de Kuhl drin.

Datt Röök so fien na frischet Hau

und datt Mai wöhr keum denn noch dohrtau.

De Wech tau’n Hoff wöhr lang und wiet

Und wie, Marie, wie harr’n ja Tied.

Wi häbbt uns küsst, dann Hääwen nah.

Marie – datt wöhr so wunnerbohr.

Uns Leef de hohlt und gläut, nich nur in’n Mai wenn de Fleeder bläuht.

Und watt gehört föhr uns doortau? De Duft funn frisch gemocktet Hau.

Upp’n Hoff denn röppt de Arbeit wedder.

Fun’n Wagen rünner mit de Ledder.

De schwohre Arbeit meuk de Knecht

und wie packt upp’n Böhn datt Hau taurecht.

Marie, arbeit‘ häbbt wie twei fähl,

doch mit die dohrbi wöhr’t een liechtet Spähl.

Ick mock watt schneller, häff di schont

und wöhr mit sööte Küss‘ belohnt….

Uns Leef de hohlt und gläut, nich nur in’n Mai wenn de Fleeder bläuht.

Und watt gehört föhr uns doortau? De Duft funn frisch gemocktet Hau.

Ach, Marie, datt iss all so lang her.

Nu sünnd wie oold und künnt nich mehr.

Wie häbbt aber noch Spaß, datt weit ick genau –

an’t Küssen und ---- dann‘ Duft funn Hau.