Arrittu à bon’ora, partutu dighjà,

U tempu d’un basgiu à l’alburighjà,

U rivecu andà à soli pisà,

Nant’à un cantieru cun qual’hè chì sà…

Di sera vultava, stancu è bruttu,

Quant’era forti ed era spaddutu,

Quista dumanda mi tricava à scappà :

"O Mà, ùn pienghjini micca i Papà ? "

Po ci insignava in ogni uccasioni,

À buscà un sensu, una caghjoni,

Di mettaci cori è cun amori,

Di suvità sempri li so valori,

Faritu, malatu, ci voli avanzà,

Quandu si casca ci tocca à rialzà,

Quista dumanda mi tricava à scappà :

"O Mà, ùn pienghjini micca i Papà ? "

Un ghjornu di u s’annivirsariu,

Aviami cacciatu da l’armariu,

Dui rigali, erani affarucci,

Com’eddi a sani fà i zitiducci,

Picculi ghjesti poni tuccà l’alma,

Ancu di quiddi di natura calma,

È quista risposta aviu avà :

"Allora, pienghjini ancu i Papà !"

È quista risposta aviu avà :

"Allora, pienghjini ancu i Papà !"