ہم لوگ تھے سیدھے سادے سے

کچھ کھاتے تھے اور پیتے تھے

پھر پہروں کام میں جت جاتے تھے

تکھ ہار کے سورج ڈھلنے پہ

گھروں کو ہم آجاتے تھے

آنگن میں پڑی کھاٹوں پہ

ہم تھک کے بیٹھ جاتے تھے

کچھ روٹی شوٹی چولہے سے

سالن کے ساتھ سب کھاتے تھے

کچھ باتیں بچھڑے لوگوں کی

کچھ خوشیوں کی کچھ سوگوں کی

اک درد لئے آوازوں میں

بڑے ہمیں سناتے تھے

آنگن میں کھاٹوں پہ پھر

بستر بچھائے جاتے تھے

گرمی کے موسم میں پنکھے

بھی لگائے جاتے تھے

پھر لیٹ کے اپنے بستر پہ

آسمان کو گھورا کرتے تھے

اور طرح طرح کے تاروں سے

ہم لڑا کرتے تھے