(Accordion melody starts, atmospheric wind sounds)

Wo de Ostseewellen trecken an den Strand,

wo de gäle Ginster bleucht in´n Dünensand;

Wo de Möven schriegen grell in´t Stormgebrus,

dor is mine Heimat, dor bün ick to Hus.

Well- und Wogenruschen wier min Weigenlied,

un de hogen Dünen seg´n min Kinnertied;

seg´n uck all min Sehnsucht un min heit Begehr,

in de Welt tau fleigen öwer Land und Meer.

Woll het mi dat Läben dit Verlangen stillt,

het mi allens gäben, wat min Hart erfüllt;

allens is verswunnen, wat mi quält un drew,

häw nu Fräden funnen... doch de Sehnsucht blew.

Sehnsucht na dat lütte, stille Inselland,

wo de Wellen trecken an den witten Strand;

wo de Möven schriegen grell in´t Stormgebrus,

dor is mine Heimat, dor bün ick to Hus.

An den witten Strand...

Dor bün ick to Hus.